Musica Sacra - Santa Messa e Vespri in memoria di San Stanislao vescovo e martire

Esecuzione : Scuola Liturgica dei seminaristi del Seminario Maggiore dell'Ordine Paolino di Cracovia

Introitus

Protexisti me Deus a conventu malignantium, alleluia :
a multitudine operantium iniquitatem.
Alleluja, Alleluja

(Psalmus 1)

Exaudi Deus orationem meam cum deprecor :
a timore inimici eripe animam meam.

Gloria Patri, et Filio, et Spiritui Sancto.
Sicut erat in principio, et nunc, et semper, et in saecula saeculorum.
Amen.

Protexisti ...

Kyrie IV (Missa Cunctipotens Genitor Deus)

Kyrie eleison,
Christe eleison,
Kyrie eleison.

Gloria IV

Gloria in excelsis Deo
et in terra pax hominibus bonae voluntatis.
Laudamus te, benedicimus te, adoramus te,
glorificamus te, gratias agimus tibi
propter magnam gloriam tuam,
Domine Deus, Rex caelestis,
Deus Pater omnipotens.
Domine Fili unigenite, Jesu Christe,
Domine Deus, Agnus Dei, Filius Patris,
qui tollis peccata mundi, miserere nobis;
qui tollis peccata mundi, suscipe deprecationem nostram.
Qui sedes ad dexteram Patris,
miserere nobis.
Quoniam tu solus Sanctus,
tu solus Dominus,
tu solus Altissimus, Jesu Christe,
cum Sancto Spiritu in gloria Dei Patris.
Amen.

Alleluia

Confitebuntur caeli mirabilia tua Domine:
etenim veritatem tuam in ecclesia sanctorum.

Credo V

Credo in unum Deum Patrem omnipotentem,
factorem caeli et terrae,
visibilium omnium, et invisibilium.
Et in unum Dominum Jesum Christum,
Filium Dei unigenitum.
Et ex Patre natum ante omnia saecula.
Deum de Deo, lumen de lumine,
Deum verum de Deo vero.
Genitum, non factum, consubstantialem Patri:
per quem omnia facta sunt.
Qui propter nos homines et propter nostram salutem
descendit de caelis.
Et incarnatus est de Spiritu Sancto
ex Maria Virgine: et homo factus est.
Crucifixus etiam pro nobis sub Pontio Pilato;
passus et sepultus est,
et resurrexit tertia die,
secundum Scripturas,
et ascendit in caelum,
sedet ad dexteram Patris.
Et iterum venturus est cum gloria,
iudicare vivos et mortuos,
cuius regni non erit finis.
Et in Spiritum Sanctum Dominum et vivificantem:
qui ex Patre Filioque procedit.
Qui cum Patre et Filio simul adoratur et conglorificatur:
qui locutus est per prophetas.
Et unam, sanctam, catholicam et apostolicam Ecclesiam.
Confiteor unum baptisma in remisionem peccatorum.
Et expecto resurrectionem mortuorum,
et vitam venturi saeculi. Amen.

Offertorium

Confitebuntur caeli mirabilia tua Domine,
et vertatem tuam in ecclesia sanctorum,
alleluia, alleluia.

Praefatio de Sancto Stanislao

V: Dominus vobiscum.
R: Et cum spiritu tuo.
V: Sursum corda.
R: Habemus ad Dominum
V: Gratias agamus Domino Deo nostro.
R: Dignum et iustum est.
V: Vere dignum et iustum est, aequum et salutare, nos tibi semper et ubique gratias agere: Domine, sancte Pater, omnipotens aeterne Deus: per Christum Dominum nostrum. Quoniam sancti martyris Stanislai pro confessione nominis tui, ad imitationem Christi, sanguis effusus tua mirabilia manifestat, quibus perficis in fragilitate virtutem, et vires infirmas ad testimonium roboras, per Christum Dominum nostrum. Et ideo, cum caelorum Virtutibus, in terris te iugiter celebramus, maiestati tuae sine fine clamantes:

Sanctus IV

Sanctus, Sanctus, Sanctus Dominus Deus Sabaoth.
Pleni sunt caeli et terra gloria tua.
Hosanna in excelsis.
Benedictus qui venit in nomine Domini.
Hosanna in excelsis.

Agnus Dei IV

Agnus Dei, qui tollis peccata mundi:
miserere nobis.
Agnus Dei, qui tollis peccata mundi:
miserere nobis.
Agnus Dei, qui tollis peccata mundi:
dona nobis pacem.

Communio

Laetabitur justus, ritus conclusionis

Laetabitur justus in Domino, et sperabit in eo:
et laudabuntur omnes recti corde,
alleluia, alleluia.

D: Ite, missa est.

R: Deo gratias.

Sequentia de Sancto Stanislao episcopo et martyre

Iesu Christe Rex superne

Jesu Christe Rex superne Deo patri coaeterne. Tibi laus et gloria. Cuius ope martyr clemens Stanislaus hostem premens triumphat victoria. Vir aetate iam maturus sui gregis fortis murus in incursu hostium. Poenas mortis parvipendit sponsam Christi dum defendit ingraesus per ostium. Clamans docet obsecrando et interdum obiurgando christianum populum. Ut virtutes imitentur a delictis emundentur mundans cordis oculum. Boleslaus vir scelestus tremens furit fit infestus argutus pro vitio. Quantumcunque trux minetur tiro Dei non terretur minis nec suplicio. Pro reatu labis nequam in tyrannum praesul aequam dirigit sententiam. Tor tor raptus in furorem suam furis in cultorem exercet dementiam. Ad altare vir caelestis caesus cadit a scelestis mille lacer frustulis. Corodendus feris datur sed tutelis defensatur aquilarum sedulis. Sparsos artus iubar caeli prodit coetui fideli nec perit articulus. Sacrum corpus integratur dum pars parti foederatur videns stupet populus. Sepulture commendatus innumeris vir beatus coruscat miraculis. Signa signis cumulantur mancis manus pedes dantur claudis visus oculis. Ut res gesta protestatur verax nomen eliquatur a polo Poloniae. Poli civis fit Polonus praesul pius et patronus immo pater patriae. Quem precemur corde mundo donec sumus in hoc mundo ne mergamur in profundo pro delicti macula. Sed a culpis emundati prima stola trabeati cum beatis iam beati vivamus per secula.
Amen.
Alleluia.

Ad vesperas - Invitatorium Deus in adjutorium

V: Deus in adjutorium meum intende.

R: Domine ad adjuvandum me festina.

Gloria Patri et Filio et Spiritui Sancto.
Sicut erat in principio, et nunc, et semper, et in saecula saeculorum.
Amen.
Alleluia.

Hymnus Gaude, mater Polonia

Gaude, mater Polonia,
Prole fecunda nobili,
Sumi Regis magnaila,
Laude frequenta vigili.
Cujus benigna gratia,
Stanislai Pontificis,
Passionis Insignia,
Signis fulgent mirificis.
Tyranni truculentiam,
Qui dum constanter arguit,
Martyrii victoriam,
Membratim caesus meruit.
Sic Stanislaus Pontifex,
Transit ad caeli curiam,
Ut apud Deum opifex,
Nobis imploret veniam.
Ergo felix Cracovia,
Sacro dotata corpore,
Deum qui fecit omnia,
Benedic omni tempore.
Sit Trinitati gloria,
Laus, honor, iubilatio,
De Masrtyris victoria,
Sit nobis exultatio.
Amen.

Antiphona 1

Sancti tui Domine florebunt sicut lilium, alleluia:
et sicut odor balsami erunt ante te, alleluia.

Psalmus 110

Dixit Dominus Domino meo: *
“Sede a dextris meis.
Donec ponam inimicos tuos, *
scabellum pedum tuorum”.
Virgam virtutis tuae emittet Dominus ex Sion *
dominare in medio inimicorum tuorum.
Tecum principium in die virtutis tuae in splendoribus sanctorum *
ex utero ante luciferum genui te.
Juravit Dominus, et non paenitebiteum: *
“Tu es sacerdos in aeternum secundum ordinem Melchisedech”.
Dominus a dextris tuis, *
confregit in die irae suae reges.
Judicabit in nationibus, implebit ruinas *
conquassabit capita in terra multorum.
De torrente in via bibet *
propterea exaltabit caput.
Gloria Patri et Filio *
et Spiritui Sancto,
Sicut erat in principio et nunc, et semper, *
et in saecula saeculorum. Amen.

Antiphona 2

In caelestibus regnis Sanctorum habitatio est, alleluia:
et in aeternum requies eorum, alleluia.

Psalmus 113

Laudate pueri Dominum *
laudate nomen Domini.
Sit nomen Domini benedictum, *
ex hoc nunc, et usque in saeculum.
A solis ortu usque ad occasum, *
laudabile nomen Domini.
Excelsus super omnes gentes Dominus, *
et super caelos gloria ejus.
Quis sicut Dominus Deus noster, qui in altis habitat, *
et humilia respicit in caelo et in terra.
Suscitans a terra inopem, *
et de stercore erigens pauperem.
Ut collocet eum cum principibus, *
cum principibus populi sui.
Qui habitare facit sterilem in domo, *
matrem filiorum laetantem.
Gloria Patri, et Filio, *
et Spiritui Sancto.
Sicut erat in principio,
et nunc, et semper, *
et in saecula saeculorum.
Amen.

Antiphona 3

Fulgebunt iusti sicut sol in conspectu Dei, alleluia.

Psalmus 139

Domine probasti me et cognovisti me *
tu cognovisti sessionem meam et resurrectionem meam.
Intellexisti cogitationes meas de longe: *
semitam meam et funiculum meum investigasti.
Et omnes vias meas praevidisti: *
quia non est sermo in lingua mea.
Ecce Domine tu cognovisti omnia novissima et antiqua: *
tu formasti me et posuisti super me manum tuam.
Mirabilis facta est scientia tua ex me: *
confortata est, et non potero ad eam.
Quo ibo ab spiritu tuo? *
et quo a facie tua fugiam?
Si ascendero in caelum, tu illic es: *
si descendero in infernum, ades.
Si sumpsero pennas meas dilu culo: *
et habitavero in extremis maris:
Etenim illuc manus tua deducet me: *
et tenebit me dextera tua.
Et dixi: Forsitan tenebrae conculcabunt me: *
et nox inluminatio mea in deliciis meis.
Quia tenebrae non obscurabuntur a te, et nox sicut dies inluminabitur: *
sicut tenebrae ejus, ita et lumen ejus.
Quia tu possedisti renes meos: *
suscepisti me de utero matris meae.
Confitebor tibi quia terribiliter magnificatus es: mirabilia opera tua, *
et anima mea cognoscit nimis.
Non est occultatum os meum a te, quod fecisti in occulto: *
et substantia mea in inferioribus terrae.
Inperfectum meum viderunt oculi tui, et in libro tuo omnes scribentur: *
dies formabuntur, et nemo in eis.
Mihi autem nimis honorificati sunt amici tui Deus: *
nimis confortatus est principatus eorum.
Dinumerabo eos, et super arenam multiplicabuntur: *
exsurrexi, et adhuc sum tecum.
Si occideris Deus peccatores: *
viri sanguinum declinate a me:
Quia dicitis in cogitatione: *
accipient in vanitate civitates tuas.
Nonne qui oderunt te Domine oderam? *
et super inimicos tuos tabescebam?
Perfecto odio oderam illos: *
et inimici facti sunt mihi.
Proba me Deus, et scito cormeum: *
interroga me, et cognosce semitas meas.
Et vide, si via iniquitatis in me est: *
et deduc me in via aeterna.
Gloria Patri, et Filio, *
et Spiritui Sancto.
Sicut erat in principio, et nunc, et semper, *
et in saecula saeculorum. Amen.

Lectio brevis: Ap 7, 14−17

Hi sunt qui venerunt de tribulatione magna et laverunt stolas suas et dealbaverunt eas in sanguine Agni. Ideo sunt ante thronum Dei et serviunt ei die ac nocte in templo eius, et qui sedet in throno habitabit super illos. Non esurient neque sitient amplius, nec cadet super illos sol, neque ullus aestus, quoniam Agnus, qui in medio throni est, reget illos et deducet eos ad vitae fontes aquarum, et absterget Deus omnem lacrimam ab oculis eorum.

Responsorium Sancti et justi

C: Sancti et justi in Domino gaudete: Alleluia, alleluia.
R: Sancti et justi in Domino gaudete: Alleluia, alleluia.
C: Vos elegit Deus in haerenditatem sibi.
R: Alleluia, alleluia.
C: Gloria Patri, et Filio, et Spiritui Sancto.
R: Sancti et justi in Domino gaudete: Alleluia, alleluia.

Antiphona ad Magnificat

O beate Stanislae Praesul plebis Cracoviae,
cuius signa victoriae,
late patent Poloniae nam dono Chrisi gratiae,
pestes curantur variae,
Tua martyr egregie,
festa colentes hodie,
Regi commenda gloriae.
Alleluia.

Magnificat

Magnificat *
anima mea Dominum
Et exultavit spiritus meus *
in Deo salutari meo.
Quia respexit humilitatem ancillae suae: *
ecce enim ex hoc beatam me dicent omnes generationes.
Quia fecit mihi magna qui potens est: *
et sanctum nomen eius.
Et misericordia eius a progenie in progenies *
timentibus eum.
Fecit potentiam in brachio suo: *
dispersit superbos mente cordis sui.
Deposuit potentes de sede, *
et exaltavit humiles.
Esurientes implevit bonis: *
et divites dimisit inanes.
Suscepit Israel puerum suum, *
recordatus misericordiae suae.
Sicut locutus est ad patres nostros, *
Abraham et semini eius in saecula.
Gloria Patri, et Filio, *
et Spiritui Sancto.
Sicut erat in principio, et nunc, et semper, *
et in saecula saeculorum. Amen.

Preces

Hac hora, qua Rex Martyrum vitam suam in cena obtulit et in cruce deposuit, gratias agamus illi, dicentes:
Te, Domine, celebramus
Te, Domine, celebramus, quia in finem dilexisti nos, salvator noster, omnis martyrii fons et exemplum:
Te, Domine, celebramus
Quia omnes peccatores paenitentes in praemium vitae vocasti:
Te, Domine, celebramus
Quia sanguinem novi et aeterni testamenti, In remisionem peccatorum effusum, hodie obtulimus:
Te, Domine, celebramus
Quia hac die per gratiam tuam in fide perseveravimus:
Te, Domine, celebramus
Quia tuae morti multos fratres hodie sociasti:
Te, Domine, celebramus.

Pater noster

Pater noster,
qui es in caelis,
sanctificetur nomen tuum,
adveniat regnum tuum,
fiat voluntas tua,
sicut in caelo, et in terra.
Panem nostrum cotidianum da nobis hodie,
et dimitte nobis debita nostra,
sicut et nos dimittimus debitoribus nostris,
et ne nos inducas in tentationem,
sed libera nos a malo.

Oratio, ritus conclusionis

V: Deus, pro cuius honore beatus episcopus Stanislaus gladiis persecutorum occubuit, praesta, quaesumus, ut fortes in fide usque ad mortem perseverare valeamus. Per Dominum nostrum Iesum Christum, Filium Tuum, qui cum Te vivit et regnat in unitate Spiritus Sancti, Deus, per omnia saecula saeculorum.

R: Amen.

V: Benedicamus Domino.

R: Deo gratias.